Ərdoğan və Makron Ukrayna və Yaxın Şərqdəki vəziyyəti müzakirə ediblər
Ankara, 21 avqust, AZƏRTAC
Avqustun 21-də Türkiyə Prezidenti Rəcəb Tayyib Ərdoğan Fransa Prezidenti Emmanuel Makronla telefonla danışıb.
AZƏRTAC xəbər verir ki, Fransa tərəfinin təşəbbüsü ilə baş tutan söhbət zamanı Ukraynadakı müharibənin sülh yolu ilə həlli, eləcə də Yaxın Şərqdə baş verən son proseslər ətrafında fikir mübadiləsi aparılıb.
Türkiyə lideri Ankaranın Kiyev ilə Moskva arasında sülhün yaxınlaşdırılmasına yönəlmiş istənilən danışıqlar üçün platforma təqdim etməyə hazır olduğunu fransalı həmkarının diqqətinə çatdırıb.
Prezident Ərdoğan Türkiyənin Qəzza zolağında atəşkəsi təmin etmək üçün göstərdiyi səylərdən də bəhs edib.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
