Ermənistanda COVID-19-a yoluxanların sayı 48 minə çatır
Tbilisi, 23 sentyabr, AZƏRTAC
Ermənistanda koronavirusa yoluxanların sayı 48 minə çatır. Son 24 saat ərzində ölkədə daha 210 nəfərdə koronavirus aşkarlanıb. Bununla da bu ölkədə COVID-19-a yoluxanların ümumi sayı 47 min 877-yə çatıb.
AZƏRTAC xəbər verir ki, bu barədə Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi məlumat yayıb.
Pandemiya qurbanlarının sayı isə daha 4 fakt artaraq 942-yə çatıb.
Digər səbəblərdən ölən koronavirus xəstələrinin sayı isə 288 nəfər təşkil edib.
Hazırda Ermənistanda 3 min 617 aktiv koronavirus xəstəsinin olduğu bildirilir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
