Ermənistanda iyunun 20-də növbədənkənar parlament seçkiləri keçiriləcək
Bakı, 18 mart, AZƏRTAC
Baş nazir Nikol Paşinyan iyunun 20-də Ermənistanda növbədənkənar parlament seçkilərinin keçiriləcəyinin anonsunu edib.
AZƏRTAC xəbər verir ki, bu barədə Paşinyan “Facebook” səhifəsində yazıb.
“Mənim “Çiçəklənən Ermənistan” fraksiyasının lideri Qagik Sarukyan ilə görüşüm başa çatdı. Görüş zamanı biz vurğuladıq ki, yaranmış daxili siyasi vəziyyətdən ən yaxşı çıxış yolu növbədənkənar parlament seçkiləridir. Ermənistan prezidenti ilə, “Mənim addımım” fraksiyası ilə, “İşıqlı Ermənistan” fraksiyasının lideri Edmon Marukyanla söhbətlərim nəzərə alınaraq, bu il iyunun 20-də respublikada növbədənkənar parlament seçkiləri keçiriləcək”, - deyə Paşinyan bildirib.
Bölmənin digər xəbərləri
