E.ŞEVARDNADZE: ”TBİLİSİ İLƏ BATUMİ ARASINDA QARŞIDURMANI KƏSKİNLƏŞDİRMƏK OLMAZ ”
AZƏRTAC-ın Tbilisidən aldığı xəbərə görə, Gürcüstanın sabiq prezidenti Eduard Şevardnadze hesab edir ki, Tbilisi ilə Batumi arasında yaranmış qarşıdurmanı kəskinləşdirmək olmaz. O, “Aliya” qəzetinə müsahibəsində demişdir: “Əgər bu gün qarşıdurma dayandırılarsa, Tbilisi ilə Batumi arasında münasibətlərdəki gərginliyi bir-iki günə tədricən aradan qaldırmaq mümkün olar. Acarıstanda qarşıdurmanın güclənməsinə yol vermək olmaz, çünki bu, Gürcüstanın digər bölgələrində də problemlər yaradar”.
“Siz indiki vəziyyətdə Aslan Abaşidzeyə nə məsləhət görərdiniz – istefa versin, yoxsa bu vəzifədə qalsın?” sualına E.Şevardnadze belə cavab vermişdir: “Acarıstan öz hüquqları olan muxtar respublikadır. Muxtar respublika ilə hesablaşmaq lazımdır. Zənnimcə, təzyiq göstərməklə Aslan Abaşidzenin istefasını tələb etmək olmaz”.
Bölmənin digər xəbərləri
