ESTONİYA MİLLİSİNİN DAHA BİR ÜZVÜ “NEFTÇİ”DƏ
Bakı, 5 avqust (AZƏRTAC). Müdafiəçi axtarışını davam etdirən “Neftçi” futbol klubu düşərgəyə daha bir oyunçunu dəvət etmişdir. Bu, ötən mövsümü İngiltərənin “Uotford” klubunda keçirən Andrey Stepanovdur.
Rusiyanın “Torpedo” (Moskva, 2004-2006), “Ximki” (2007-2008) klublarında da çıxış etmiş Stepanov Estoniya milli komandasında 79 oyun keçirmişdir, 1 qol vurmuşdur. 30 yaşlı futbolçu Türkiyədəki təlim-məşq toplanışı zamanı “Qəbələ” ilə növbəti yoxlama oyununun 1-ci hissəsində meydana çıxaraq mərkəz müdafiəçisi mövqeyində çıxış etmişdir. Stepanov toplanışın sonuna qədər baxışda olacaqdır.
Bölmənin digər xəbərləri
