Estoniyanın Baş naziri: Qərb Ukraynanı dəstəkləməkdən yorulmamalıdır
Bakı, 6 iyul, AZƏRTAC
Qərb Ukraynanı dəstəkləməkdən yorulmamalıdır, çünki hüquqa əsaslanan beynəlxalq nizamın taleyi ondan asılıdır.
AZƏRTAC xəbər verir ki, bu barədə Estoniyanın Baş naziri Kaya Kallas Yaponiyanın “Yomiuri” qəzetinə müsahibəsində bildirib. O deyib: “Biz uzun sürən müharibəyə hazır olmalıyıq. Biz yorulmamalıyıq. Qanuna əsaslanan beynəlxalq nizamın taleyi təhlükə altındadır”.
Kallas Qərbi Ukrayna ətrafında sıx birləşməyə çağırıb. Onun sözlərinə görə, Rusiya Qərbin Ukrayna tərəfini dəstəkləməkdən yorulmasını gözləyir.
Estoniya hökumətinin başçısı Avropanın müdafiə qabiliyyətinin də gücləndirilməsini davam etdirməyin zəruriliyini vurğulayıb.
Bölmənin digər xəbərləri
