Estoniyaya gələn turistlərin sayı iki dəfəyədək azalıb
Tallinn, 24 sentyabr, AZƏRTAC
Estoniyada ötən ilin yay mövsümü ilə müqayisədə bu il iki dəfə az xarici ölkə vətəndaşlarına xidmət göstərilib. Həmçinin bu ilin yay mövsümü ərzində xaricə yollanan Estoniya sakinlərinin sayı ötən illə müqayisədə 34 faiz az olub.
AZƏRTAC ölkə mətbuatına istinadla xəbər verir ki, bu barədə Estoniyanın kommunikasiya xidmətləri üzrə aparıcı provayderi “Elisa” məlumat yayıb.
Məlumata əsasən, digər ölkələrdə virusa yoluxma hallarının artması səbəbilə daxili turizmə tələbat artıb.
Bundan başqa “Elisa”nın apardığı təhlil göstərib ki, ölkəyə daha çox Litva, Latviya və az da olsa Finlandiyadan turistlər səfər ediblər.
Asiman Əsədov
AZƏRTAC-ın xüsusi müxbiri
Tallinn
Bölmənin digər xəbərləri
