FAMİL KAMİLLİ DAMA ÜZRƏ AVROPA ÇEMPİONATINDA İKİNCİ YERİ TUTUR
Bakı, 5 avqust (AZƏRTAC). Hollandiyada keçirilən 100 xanalı dama üzrə Avropa çempionatında 6 tur oynanılmışdır. Avropa çempionatının ötənilki mükafatcısı Famil Kamilli ümid verənlərin yarışında 9 xalla ikinci yerdədir. Mini-kadetlər Anar Mustafayev 7 xal, Vüqar Babayev 6 xal, kadet Sidqi Samanduyev isə 4 xal toplamışlar.
Yeddinci turda Famil Kamilli Andrey Urndzentiyevlə (Rusiya), Vüqar Babayev Kristian Durante ilə (İtaliya), Anar Mustafayev Rafael Beyartla (Fransa), Sidqi Samanduyev isə Steven Alavoyne (Fransa) ilə qarşılaşacaqlar.
Yarış İsveçrə sistemi üzrə keçirilir.
Bölmənin digər xəbərləri
