Fatma Varank: COP31 gənclərin COP-u olacaq
Bakı, 8 sentyabr, AZƏRTAC
Biz COP31 gündəliyində bəzi məsələləri ön plana çıxarmışıq, lakin bir neçə mövzu xüsusi prioritetdir. Bunlardan biri gənclərin maarifləndirilməsi və 2035-ci ilə qədər bütün dünyada iqlim fəaliyyəti üzrə məlumatlılığın yayılmasıdır.
AZƏRTAC xəbər verir ki, bu sözləri “Bakı İqlim Fəaliyyəti Həftəsi 2026” çərçivəsində "Öhdəliklərdən icraya: COP31-ə doğru" mövzusunda keçirilən yüksəksəviyyəli dəyirmi masada COP31-in icraçı direktoru Fatma Varank söyləyib.
O, Türkiyədə keçiriləcək COP-un konkret icraat və tətbiq platforması olmasını istədiklərini və burada ən çox gəncləri görmək niyyətində olduqlarını qeyd edərək deyib: "COP31 gənclərin COP-u olacaq. Hər biriniz orada söz sahibinə çevriləcəksiniz. Həm Yaşıl, həm də Mavi Zonada sizin üçün xüsusi məkanlar ayrılacaq. Gənclər üçün təşkil ediləcək forumda gözləntilərinizi təsirli şəkildə ifadə etməyiniz üçün lazımi şərait yaradılacaq. Qeyd etdiyiniz təklif və yekun sənədlər COP-un ümumi nəticələrində öz əksini tapacaq".
Bölmənin digər xəbərləri
