Favoritlərin mübarizəsindən “Məhsul” həndbol klubu qalib ayrılıb
Bakı, 5 noyabr, AZƏRTAC
Kişi həndbolçuların Azərbaycan çempionatında üçüncü turun oyunlarına yekun vurulub.
AZƏRTAC Azərbaycan Həndbol Federasiyasının rəsmi saytına istinadla xəbər verir ki, “ABU Arena” idman kompleksində iki qarşılaşma keçirilib.
Daha böyük maraqla gözlənilən “Məhsul”-“Bakı” matçı gərgin idman mübarizəsi şəraitində keçib. Yarışın əsas favoritlərinin görüşü 27:22 hesabı ilə “Məhsul”un qələbəsi ilə nəticələnib. “Təhsil”-“U16” oyununda isə gözlənildiyi kimi nominal meydança sahibi inamlı qələbə qazanıb - 41:20.
Üç oyundan 6 xal toplayan “Məhsul” yarış cədvəlinin şəriksiz lideridir. Son ölkə çempionu “Bakı” 4 xalla ikinci, “Təhsil” 2 xalla 3-cü yerdədir. Keçirdiyi hər üç görüşdə məğlub olan “U-16” sonuncu pillədə qərarlaşıb.
Bölmənin digər xəbərləri
