Fazil Novruzov: Məlumatların genişmiqyaslı axını informasiya məkanının çirklənməsini qaçılmaz edir
Bakı, 30 sentyabr, AZƏRTAC
Məlumatların genişmiqyaslı axını informasiya məkanının çirklənməsini qaçılmaz edir. Bu mənada informasiya təhlükəsizliyi cəmiyyəti bundan qoruya bilər. Bunun üçün bir sıra təsirli vasitələr mövcuddur. Bunlar cəmiyyətin təhsil səviyyəsinin yüksəlməsi və media savadlılığının artırılmasıdır. Buna görə rəqəmsal bacarıqlar bir çox media qurumları və ictimai təşkilatlar tərəfindən uğurla istifadə olunur.
AZƏRTAC xəbər verir ki, bu sözləri II Azərbaycan-Özbəkistan Media Forumu çərçivəsində keçirilən “Rəqəmsal dövrdə media tərəfdaşlığı: İnformasiya təhlükəsizliyi istiqamətində birgə təşəbbüslər” mövzulu panel sessiyada Azərbaycan Respublikası Audiovizual Şurasının Aparat rəhbəri Fazil Novruzov deyib.
Audiovizual Şuranın bu istiqamətdə uğurla fəaliyyət göstərdiyini diqqətə çatdıran Aparat rəhbəri əlavə edib: “2023-cü ildən başlayaraq Audiovizual Şura Bakı Dövlət Universitetində 20-dən çox media subyekti ilə 50-dən çox, həmçinin xarici ölkələrin media requlyatorları ilə çoxsaylı görüşlər keçirib. 2025-ci ildə biz Qara Dəniz Yayım Tənzimləyici Orqanlarının Forumunu təşkil etdik”.
Bölmənin digər xəbərləri
