Fələstin tərəfi İrəvanda bu ölkənin səfirliyinin açılacağı barədə xəbərə aydınlıq gətirib
Bakı, 25 avqust, AZƏRTAC
Fələstin Dövlətinin Bakıdakı səfirliyi Azərbaycanın Xarici İşlər Nazirliyinə nota ilə müraciət edərək Ermənistanın “Zhamanak Daily” xəbər agentliyinin Fələstinin Böyük Britaniyadakı erməni əsilli səfirinin “East Magazine”nə (Vostok) verdiyi müsahibəsinə istinadən yaxın gələcəkdə İrəvanda Fələstin səfirliyinin açılacağı barəsində yaydığı xəbərinin yalan olduğunu bildirib.
Bu barədə AZƏRTAC-a xarici işlər nazirinin mətbuat xidmətinin rəhbəri Hikmət Hacıyev məlumat verib. Notada qeyd olunur ki, bu xəbər “Zhamanak Daily” və ona istinadən Azərbaycanın bəzi xəbər portallarında çıxan zaman Fələstin Dövlətinin Bakıdakı səfirliyi Fələstin Prezidenti Administrasiyası və Xarici İşlər Nazirliyi ilə əlaqə saxlayıb və hər iki qurum tərəfindən bu xəbərin yalan olduğu, ümumiyyətlə, İrəvanda Fələstin səfirliyinin açılması barəsində niyyətin olmadığı təsdiq edilib.
Ermənistan KİV-in ölkəmizin xarici, müdafiə və təhlükəsizlik siyasətinə xələl gətirmək məqsədi ilə bir çox hallarda qəsddən dezinformasiya və təxribat xarakterli məlumatlar yaydıqlarını nəzərə alaraq, bəzi yerli kütləvi informasiya vasitələrinə dəqiqləşdirmə və yoxlama aparmadan belə xəbərlərin yayılmasından çəkinməyi tövsiyə edirik.
Bölmənin digər xəbərləri
