FİFA DÜNYANIN ƏN YAXŞI FUTBOLÇUSU ADINA ÜÇ NAMİZƏD GÖSTƏRMİŞDİR

01.12.2005 [14:52]
Çap et
A⁺ A^-

AZƏRTAC xəbər verir ki, Beynəlxalq Futbol Federasiyası (FİFA) dünyanın ən yaxşı futbolçusuna təqdim edilən “Brilyant top” mükafatına üç namizədin adlarını açıqlamışdır. Bunlar “Barselona” klubunun və Braziliya yığmasının yarımmüdafiəçisi Ronaldinyo, “Barselona”nın və Kamerun yığmasının hücumçusu Səmuel Eto”O və “Çelsi” klubunun və İngiltərə yığmasının yarımmüdafiəçisi Frənk Lemparddır.

Xatırladaq ki, Ronaldinyo noyabrın 28-də “Frans Futbol” həftəliyi tərəfindən 2005-ci ildə Avropanın ən yaxşı futbolçusu adlandırılmış, keçən il isə dünyanın ən yaxşı oyunçusu hesab edilmişdir. Əgər milli yığma komandaların məşqçiləri və kapitanları braziliyalını yenə də dünyanın ən yaxşı futbolçusu adlandırsalar, o, Zinədin Zidandan və Ronaldodan sonra “Brilyant top”u bir dəfədən çox almış oyunçu olacaqdır.

Dalbadal 160 görüşdə oynayaraq, İngiltərə güclülər dəstəsinin rekordunu qazanan Frənk Lempard dünyanın ən yaxşı futbolçusu adına layiq görülən ilk ingilis ola bilər.

“Barselona”nın ən yaxşı snayperi Səmuel Eto”O liberiyalı Corc Veanın nailiyyətini təkrar edə bilər. Vea 1995-ci ildə dünyanın ən yaxşı futbolçusu adını qazanan ilk afrikalı olmuşdur.

FİFA DÜNYANIN ƏN YAXŞI FUTBOLÇUSU ADINA ÜÇ NAMİZƏD GÖSTƏRMİŞDİR

MÜƏLLİFLƏ ƏLAQƏ

Bölmənin digər xəbərləri