Fikrət Hüseynov: Çimərlik futbolu üzrə millimizin dünya çempionatına vəsiqə qazanacağına inanıram
Bakı, 4 iyul, AZƏRTAC
Bakıda keçiriləcək çimərlik futbolu üzrə dünya çempionatının seçmə mərhələsində iştirak edəcək dörd komanda yarışın final mərhələsinə vəsiqə qazanacaq.
AZƏRTAC xəbər verir ki, bu sözləri Gənclər və İdman Nazirliyinin futbol sektorunun müdiri Fikrət Hüseynov iyulun 4-də Bakıda təşkil olunan mətbuat konfransında deyib.
Bildirib ki, Azərbaycan uzun illərdir idmanın bu növündə beynəlxalq arenada gücünü sınayır. İnanıram ki, milli komandamız dünya çempionatına vəsiqə qazanacaq. İdmançılarımıza uğurlar arzulayıram.
Qeyd edək ki, iyulun 5-7-də Bakıda dünya çempionatının seçmə mərhələsində reytinqə görə ən yaxşı 13 komanda birincilik uğrunda yarışacaq. Çempionat çərçivəsində iyulun 8-də yarımfinal və pley-off oyunları, iyulun 9-da isə bu mərhələnin qalibini təyin edəcək final matçı keçiriləcək. Azərbaycan yığmasının ilk qarşılaşması Moldova seçməsi ilə iyulun 5-də baş tutacaq.
Bölmənin digər xəbərləri
