Filippində “Kalmaegi” qasırğası nəticəsində ölənlərin sayı 188 nəfərə çatıb
Bakı, 7 noyabr, AZƏRTAC
Filippində “Kalmaegi” qasırğası nəticəsində ölənlərin sayı 188 nəfərə çatıb, 135 nəfər isə itkin düşüb.
AZƏRTAC Filippinin PNA informasiya agentliyinə istinadla xəbər verir ki, qasırğa 635 min 565 ailəyə təsir edib.
Ölkənin Milli Fəlakət Riskinin Azaldılması və İdarəetmə Şurasının məlumatına görə, bu vaxta kimi 3 min 50 təxliyyə mərkəzində 88 min 649 ailəyə, ərazidən kənar sığınacaq mərkəzlərində isə 23 min 350 ailəyə yardım göstərilib.
Zərər görmüş evlərin sayı 9321, dağılanların sayı isə 264-dür.
Qeyd edək ki, Filippin hər il təxminən 20 qasırğanın təsirinə məruz qalır. Bunlardan ən dağıdıcısı olan “Hayyan” 2013-cü ilin noyabrında 6 min 300-dən çox insanın həyatına son qoyub.
Bölmənin digər xəbərləri
