FRANSA PREZİDENTİ ERMƏNİSTANA ÜÇGÜNLÜK SƏFƏRƏ GEDƏCƏK

28.09.2006 [15:37]
Çap et
A⁺ A^-

AZƏRTAC-ın xüsusi müxbiri xəbər verir ki, Fransa Prezidenti Jak Şirak sentyabrın 27-də Rumıniyaya yola düşmüşdür. Jak Şirak sentyabrın 28-də ölkənin paytaxtı Buxarestdə 60 ölkənin iştirak edəcəyi frankfon dövlətlərin XI zirvə toplantısının işində iştirak edəcəkdir.

Yelisey sarayının mətbuat xədməti bildirmişdir ki, bu tədbir 2007-ci il yanvar ayının 1-də Avropa İttifaqına üzvlüyə qəbul olunacaq Rumıniya üçün xüsusi əhəmiyyət daşıyacaq və ölkənin çox mühüm diplomatik rol oynamasında əvəzsiz xidmət göstərəcəkdir.

Röyter agentliyinin bildirdiyinə görə, Buxarestdəki zirvə toplantısından sonra Fransa Prezidenti 3,2 milyonluq əhaliyə malik kasıb bir ölkə olan Ermənistana üçgünlük səfərə gedəcəkdir. Səfər çərçivəsində Jak Şirak Yerevanın mərkəzindəki “Fransa meydanı”nın açılış mərasimində iştirak edəcək, Ermənistan Prezidenti Robert Koçaryanla görüşündə Azərbaycan ərazisi Dağlıq Qarabağla əlaqədar münaqişə ətrafında fikir mübadiləsi aparacaqdır.

FRANSA PREZİDENTİ ERMƏNİSTANA ÜÇGÜNLÜK SƏFƏRƏ GEDƏCƏK

MÜƏLLİFLƏ ƏLAQƏ

Bölmənin digər xəbərləri