Fransada hökumətin yenidən formalaşdırılacağı gözlənilir
Paris, 1 iyul, AZƏRTAC
İyulun 8-dək Fransada yeni hökumətin tərkibinin elan olunacağı gözlənilir.
AZƏRTAC xəbər verir ki, bu barədə ölkə mətbuatı məlumat yayıb.
Bildirilir ki, COVID-19 pandemiyasının yaratdığı böhrandan sonra Prezident E.Makronun Senat, Milli Assambleya və Konstitusiya Şurasının rəhbərlərinin təkliflərini gözləyir. Ehtimal olunur ki, Baş Nazir Eduard Filip hökuməti istefa verəcək. Ancaq E.Makronun Baş Nazirə etimadının yenilənəcəyi də istisna deyil.
Xatırladaq ki, E.Makron Prezident seçildikdən qısa müddət sonra Eduard Filipi Baş Nazir təyin edib. Qeyd edək ki, bir neçə gün əvvəl bələdiyyə seçkilərində daha çox yer qazanmış Avropa Ekologiya-Yaşıllar (EELV) partiyası yeni hökumətin tərkibində olmayacaqlarını bəyan edib.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
