Fransada koronavirusun yeni ştammları ilə bağlı protokol qaydaları sərtləşdirilib
Paris, 9 fevral, AZƏRTAC
Fransada koronavirusun Britaniya, Braziliya və ya Cənubi Afrika kimi yeni ştammları ilə bağlı məhdudiyyət qaydaları sərtləşdirilib.
AZƏRTAC xəbər verir ki, ölkədə COVID-19 virusuna yoluxan şəxslər 36 saat ərzində virusun yeni ştamlarının müəyyən edilməsi məqsədilə yenidən test olunmalıdırlar. Eyni zamanda, yeni ştamma yoluxan xəstələr üçün karantin müddəti 10 günədək uzadılıb. Virusun yeni ştammlarına yoluxanlar karantindən çıxmaq üçün yenidən sistematik olaraq test ediləcək. Yeni ştammlara yoluxan xəstələr protokola riayət etmək imkanı olmadıqda onlara qalmaq üçün xüsusi karantin yerləri təklif olunacaq. Yeni ştamlara yoluxma halları ilə bağlı məktəblərdə də protokol qaydaları sərtləşdirilib. Parça maskalara qadağa qoyulub. Val-d’Uaz (Val-d‘Oise) departamentində virusun yeni ştammı aşkarlanmış kollec martın 1-dək bağlanıb.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
