Fransanın “Lans” komandasının baş məşqçisi Frank Heyzlə yeni müqavilə imzalanıb
Bakı, 15 oktyabr, AZƏRTAC
Fransanın “Lans” komandasının baş məşqçisi Frank Heyzlə yeni müqavilə imzalanıb.
AZƏRTAC xəbər verir ki, bu barədə Liqa 1 təmsilçisinin rəsmi saytı məlumat yayıb.
Tərəflər arasında müddəti 2027-ci ilin yayında başa çatacaq müqavilə imzalanıb.
Mütəxəssis 2020-ci ilin fevralından “Lans”a rəhbərlik edir. Fransadan olan 51 yaşlı mütəxəssis bu komandanı bütövlükdə 88 matça çıxarıb. Elita təmsilçisi bu görüşlərdə 40 qələbə qazanıb, 26 heç-heçə edib, 22 məğlubiyyətə üzülüb.
“Lans” bu mövsüm Liqa 1-də 10 oyuna 21 xal toplayıb və 20 iştirakçı arasında 4-cü sırada qərarlaşıb.
Bölmənin digər xəbərləri
