Fransis Karol: Martinikada yerli sakinlərin sayı planlı şəkildə azaldılır
Paris, 30 mart, AZƏRTAC
Bu, milli fəal Herve Pintonun artıq üçüncü həbsidir. Onun həbsi ilə bağlı iki yanlış arqument irəli sürülür. Birincisi, məhkəmə nəzarətinin pozulması, yəni, bu arqumentlə Qrat ailəsinin bütün torpaqlarının rekvizisiya edilməsinin şahidi oluruq. İkinci “arqument” isə H. Pintonun guya ədaləti özünün bərpa etmək istəməsidir. Bununla təqsirsizlik prezumpsiyasına riayət edilmədiyinin şahidi oluruq.
Birinci arqument mövcud məhkəmə qərarlarına məhəl qoymur. Milli fəal Herve Pinto saxlanıldığı zaman ona qoyulan qadağaya, yəni, “La Pagerie” xutoruna yaxın getmək qadağasına riayət edib və oraya getməyib. Vəkil də onun “La Pagerie” xutoruna getmədiyini deyəndə hakim onunla razılaşıb və milli fəalın oraya getmədiyini bildirib. Ancaq onun həbsi qüvvədə qalıb, səbəbi isə bəlli deyil. Hamı bilir ki, milli fəal Herve Pinto siyasi motivlərə görə həbs edilib. Ancaq burada onun həbsdə saxlanılması üçün hər hansı öhdəliyə riayət etməməsi məsələsi mövcud deyil.
Bu fikirləri AZƏRTAC-a açıqlamasında Martinika Assambleyasının deputatı Lük Fransis Karol söyləyib.
O bildirib ki, milli fəal Herve Pintonun guya öz torpaqları ilə bağlı ədaləti özünün bərpa etməsi kimi ikinci arqument təqsirsizlik prezumpsiyasını pozur. Heç bir məhkəmə prosesi sübut etməyib ki, H. Pinto şübhəli və qərəzli yollarla ədaləti özü bərpa etmək istəyir. Buna görə də məhkəmə orqanlarının qərəzsizliyi sual altındadır. Bu torpaq məsələsi 26 ildir davam edir və buna Fransa məhkəmə instansiyalarında baxılıb, onlar H. Pintonun xeyrinə qərar veriblər. 2007-ci və 2011-ci illərdə Apelyasiya Məhkəməsi torpaqların onun əcdadlarına məxsus olması ilə bağlı H. Pintonun xeyrinə qərar çıxarıb. H. Pinto qanunun tətbiq olunmamasına etiraz edir. Hətta bu, Fransa Konstitusiyasının da pozulmasıdır. Fransız instansiyaları qərarları tətbiq etmir. Əslində, bu, Pintonun deyil, Fransa ədalətinin qeyri-ədalətli mövqeyidir ki, məhkəmə qərarlarını icra etmir.
“Biz hesab edirik ki, H. Pintonun həbsi Fransa dövlətinin siyasi qərarıdır. Belə ki, “La Pagerie” xutorunun sakinlərinin 90 faizi ağlar - fransızlardır. Orada yaşayanlar Fransa dövləti ilə münasibətlərdə əsas rol oynayırlar. Buna görə də məhkəmə qərarları tətbiq edilmir. Məhkəmə qərarları bu torpağın H. Pintonun əcdadlarına məxsus olduğunu təsdiqləyir. Bu məsələ açıq şəkildə göstərir ki, məhkəmə qərarları deyil, siyasi diktatın söylədikləri həyata keçir.
Martinikada belə hallar çoxdur. Martinika Mədəni İrsinin Qorunması Assosiasiyası torpaqlarını tələb edən martinikalılarla bağlı 200 belə işin olduğunu açıqlayıb. Yerli sakinlər onlara məxsus olan torpaqları tələb edirlər. Rəsmi olaraq 200 belə iş var, ancaq qeyri-rəsmi məlumatlara görə, belə tələblər daha çoxdur”, - deyə deputat vurğulayıb.
O deyib ki, Martinikada problem onun çox münbit olan torpaqlarının spekulyasiya edilməsidir. Hər kəs gəlib buradan torpaq ala bilər. Yerli martinikalılar isə torpaq ala bilmirlər, çünki kasıbdırlar. Bu, yəni, yerli əhalinin sayının gəlmələr hesabına azaldılması soyqırımıdır. Martinikada fransızların sayı getdikcə çoxalır, yerli əhali isə azalır.
Sonda F. Karol yerli sakinlərin torpaqlarına yiyələnədək mübarizələrini davam etdirəcəklərini bildirib.
Bölmənin digər xəbərləri
