Bakı, 1 oktyabr, AZƏRTAC

Azərbaycan öz peykini illər öncə kosmosa göndərib. Kosmos sahəsində inkişafımız 2008-ci ildən etibarən diqqət cəlb edir. Azərbaycan dünya miqyasında bir sıra mühüm təşəbbüslərlə çıxış edir. Ölkəmiz regionun biznes habına çevrilib.

AZƏRTAC xəbər verir ki, bu fikirləri “Azərkosmos”un sədr müavini Fuad Aslanov oktyabrın 1-də Bakıda keçirilən Beynəlxalq Astronavtika Federasiyasının (IAF) Nazirlər və parlament üzvləri üçün 13-cü toplantısı zamanı səsləndirib.

Sədr müavini vurğulayıb ki, kosmos vasitəsilə ətraf mühitin qorunması imkanlarından düzgün istifadə etməliyik.

Monitorinqlə əlaqədar fikirlərini bölüşən “Azərkosmos”un rəsmisi deyib: “Azərbaycan monitorinqlər keçirir və kosmos fəaliyyəti barədə öz hesabatlarını təqdim edir. Biz ardıcıllığı tənzimləyə bilirik”.

O, Bakının ev sahibliyi edəcəyi 74-cü Beynəlxalq Astronavtika Konqresinin kosmos sahəsində inkişafa töhfə verəcəyindən əminliyini ifadə edib.