Fuat Oktay: həlak olan vətəndaşlarımızın sayı 51-ə çatıb
İzmir, 1 noyabr, AZƏRTAC
İzmirdə baş verən zəlzələ nəticəsində həlak olanların sayı 51-ə çatıb.
AZƏRTAC xəbər verir ki, bu barədə Türkiyənin vitse-prezidenti Fuat Oktay bildirib.
Qeyd edib ki, yeraltı təkanlar zamanı 896 nəfər yaralanıb. Onlardan 214-nün müalicəsi davam edir. Hadisə zamanı zədələnən və ya çökən 17 binadan 9-da axtarış-xilasetmə işləri aparılır.
Oktyabrın 30-da baş verən zəlzələdən indiyədək ərazidə 812 afterşok qeydə alınıb. Onlardan 40-dan çoxu 4 baldan yüksək olub.
Günel Məlikova
AZƏRTAC-ın xüsusi müxbiri
İzmir
Bölmənin digər xəbərləri
