FUTBOLÇU QIZLARIN RƏQİBİ MƏLUM OLMUŞDUR
AZƏRTAC AFFA-nın saytına istinadla xəbər verir ki, İsveçrənin Nyon şəhərində 19 yaşlı qızlardan ibarət futbol komandaları arasında 2009-cu ildə Belarusda keçiriləcək Avropa çempionatının seçmə oyunlarının birinci mərhələsinin püşkü atılmışdır.
Azərbaycanın 19 yaşlı qızlardan ibarət yığma komandası Çexiya, Finlandiya və Şimali İrlandiya ilə birlikdə VI qrupda mübarizə aparacaqdır.
Yığmamızın yer aldığı qrupun oyunları 2008-ci ilin sentyabrında ölkəmizdə keçiriləcəkdir.
On yeddi yaşlı qızlardan ibarət yığma komandamızın rəqibləri isə İtaliya, Fransa və İslandiya milliləridir. İlkin seçmə mərhələnin oyunları gələn il avqustun 1-dən sentyabrın 30-dək, final mərhələsi isə 2009-cu ilin mayında keçiriləcəkdir.
Yığmamızın oynadığı qrupun oyunları İtaliyada keçiriləcəkdir.
Bölmənin digər xəbərləri
