GAK-ın sədri: İran hökuməti edamlarla aksiyanın qarşısını almaq istəyir
Bakı, 17 dekabr, AZƏRTAC
İranda hazırda iqtisadi, siyasi və sosial böhran mövcuddur. Hər gün bütün şəhərlərdə mitinqlər, aksiyalar baş tutur. Rejim aksiyada iştirak edən insanları öldürür, onların içərisində uşaqlar və qocalar da var. Aksiyalar bu rejimin böhranını dərinləşdirir. Rejim edamlarla bunun qarşısını almaq istəyir, amma bu, mümkün olmayacaq.
AZƏRTAC xəbər verir ki, bu sözləri Güney Azərbaycan Konqresinin (GAK) sədri Abdulla Əmir Haşimi Cavanşiri Bütöv Azərbaycan Forumunda çıxışı zamanı deyib.
O bildirib ki, azərbaycanlılar bu hərəkatda tədbirli və öz istəklərini qərarlı şəkildə səsləndirirlər: "Onların əsas istəkləri, millətlərin, kişi və qadın bərabərliyidir. Biz öz taleyimizi özümüz həll etməliyik. Buna görə də azərbaycanlıların tələbləri konkretdir", - deyə Abdulla Əmir Haşimi Cavanşiri diqqətə çatdırıb.
Bölmənin digər xəbərləri
