Azərbaycan Dövlət İnformasiya Agentliyi

DÜNYA

GƏLƏN İL FRANSANIN BÜDCƏ KƏSİRİ 46,644 MİLYARD AVRO NƏZƏRDƏ TUTULMUŞDUR

02.12.2005 [11:02]
Çap et
A⁺ A^-

AZƏRTAC-ın xüsusi müxbiri xəbər verir ki, Fransanın aşağı palatasının deputatları 2006-cı ildə büdcə layihəsini ikinci oxunuşdan sonra qəbul etmişlər. Yeni layihədə ölkənin büdcə kəsirinin 46,644 milyard avro olması nəzərdə tutulmuşdur.

Büdcə naziri Can-Fransua Kope ikinci oxunuşda qəbul edilmiş layihədə büdcə kəsirinin deputatlar tərəfindən əvvəl səsə qoyulmuş göstəricidən 201 milyon avro az olduğunu bəyan etmişdir. Nazir ümumi xərclərin son zamanlar 220 milyon avro artması faktını da qeyd etmişdir.

2006-cı ilin büdcə layihəsi 128 səsə qarşı 173 səslə qəbul olunmuşdur. Sosialist Partiyası, Fransa Kommunist Partiyası və sol radikallar bitərəf qalmışlar.

Büdcə ilə bağlı növbəti müzakirə yaxın vaxtlarda Senatda müzakirə ediləcəkdir.