Gələn il Gürcüstan əhalisinin 93 faizi təbii qazdan istifadə edə biləcək
Tbilisi, 18 dekabr, AZƏRTAC
Gürcüstan regionlarının qazlaşdırılması prosesi 2024-cü ildə də davam etdiriləcək. Gələn il ölkə əhalisinin təxminən 93 faizi təbii qazdan istifadə edə biləcək.
AZƏRTAC xəbər verir ki, bu barədə Gürcüstan Baş naziri İrakli Qaribaşvili hökumətin birillik fəaliyyəti ilə bağlı hesabat verərkən deyib.
Onun sözlərinə görə, 2012-ci ilə qədər ölkə əhalisinin təxminən 55 faizi, yəni 700 minə yaxın abonent qaz alırdı, hazırda isə ölkədə 1 milyon 500 min abonent var.
Baş nazir deyib ki, son 11 ildə ölkənin regionlarının qazlaşdırılmasına 500 milyon lariyə qədər vəsait ayrılıb.
Qeyd edək ki, Gürcüstan istehlak etdiyi təbii qazın böyük bir hissəsini Azərbaycandan alır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
