GƏNC AZƏRBAYCAN ŞAHMATÇISI VASİF DURARBƏYLİ VİKTOR KORÇNOYU MƏĞLUB ETMİŞDİR
AZƏRTAC xəbər verir ki, “Prezident Kuboku” III beynəlxalq şahmat festivalının 3-cü turu çərçivəsində Azərbaycan şahmatçısı Vasif Durarbəyli vaxtilə şahmat tacının iddiaçılarından biri olmuş Viktor Korçnoya qalib gəlmişdir.
Gənc beynəlxalq qrossmeyster Eltac Səfərli isə dünyanın digər tanınmış şahmatçısı Aleksandr Belyavskini məğlub etmişdir.
Bu qələbələrdən sonra hər iki idmançımız yüz faiz nəticə ilə liderlər qrupunda yer almışlar.
Digər görüşlər belə nəticələnmişdir: V.Milov-A.Stefavova 1:0, T.Sanikidze-Q.Hüseynov 0:1, B.Marçiaşvili-R.Məmmədov 0.5:0.5, A.Aleksandrov-V.Rəsulov 0.5:0.5, A.Cahangir-N.Şort 0:1, Y.Timman-D.Samir 1:0, L.Van Veli-Z.Ocaqverdiyev 1:0.
Üç turdan sonra 11 nəfər, o cümlədən azərbaycanlı beynəlxalq qrossmeysterlərdən N.Məmmədov, L.Quliyev və Q.Hüseynov turnir cədvəlinə başçılıq edirlər.
Bölmənin digər xəbərləri
