Gəncə şəhər sakininin intihara cəhd etməsinin qarşısı alınıb
Bakı, 13 mart, AZƏRTAC
Fövqəladə Hallar Nazirliyinin (FHN) əməkdaşları Gəncədə vətəndaşın intihara cəhd etmək istəyinin qarşısını alıblar.
AZƏRTAC FHN-in saytına istinadla xəbər verir ki, nazirliyin 112 - qaynar telefon xəttinə daxil olan məlumata əsasən, Gəncə şəhərinin Kəpəz rayonunda bir nəfər doqquzmərtəbəli yaşayış binasının damına çıxaraq intihar etmək istəyini nümayiş etdirib.
Gəncə Regional Mərkəzinin xilasetmə qüvvələri dərhal hadisə yerinə cəlb olunub. Vətəndaşla aparılan psixoloji söhbətlər nəticəsində o, özünə qəsd etmək fikrindən daşınıb.
Bölmənin digər xəbərləri
