Gəncə stadionu aprel və may aylarında oyunlar üçün hazır olacaq
Bakı, 29 dekabr, AZƏRTAC
Düşünürəm ki, Gəncə şəhər stadionu aprel və may aylarında oyunlar üçün hazır olacaq.
AZƏRTAC xəbər verir ki, bu barədə gənclər və idman naziri Fərid Qayıbov ilin yekunları ilə bağlı jurnalistlərlə ənənəvi görüşü zamanı məlumat verib.
O, stadionun müasir stadionlara cavab verdiyini bildirib: “Bəzi işlərimiz qalıb. Stadionun oyunlar üçün hazır vəziyyətə gətirilməsi üçün əlimizdən gələni edəcəyik. Qaçış zolağı çəkmək istəyirik. Amma bu da hava şəraitindən asılıdır. Ona görə də gözləməliyik. Yağışlı havalarda bu, bir qədər çətin olur. Müasir standartlara cavab verən stadiondur. Həm azarkeşlər, həm futbolçular üçün yaxşı şərait var”.
Bölmənin digər xəbərləri
