GƏNCƏÇAYIN SU HÖVZƏSİ ABADLAŞDIRILACAQ
“Ocaq” Humanitar Birliyinin təşəbbüsü və Qafqaz Regional Ekologiya Mərkəzinin köməyi ilə bu günlərdə Gəncədə “Gəncəçay su hövzəsinin mühafizəsi” mövzusunda seminar keçirilmişdir. Seminarda son vaxtlar Gəncəçayın məişət və sel sularının gətirdiyi tullantılarla çirklənməsi, çirkab sularının çaya axıdılması nəticəsində ətraf mühitə dəyən ekoloji ziyanın insanların sağlamlığına mənfi təsirindən geniş söhbət getmiş və bu vacib məsələnin həlli yolları müzakirə edilmişdir.
Qafqaz Regional Ekologiya Mərkəzinin şəhər rəhbərliyi ilə birgə Gəncəçayın su hövzəsinin abadlaşdırılması üçün tədbirlər planı hazırlanmış, əlaqədar təşkilatların nümayəndələrindən və hüquq-mühafizə orqanları əməkdaşlaırndan ibarət işçi qrupu yaradılmışdır. Nəzərdə tutulan işlərə fevral ayından başlanacaqdır.
Bölmənin digər xəbərləri
