GƏNCƏDƏ BEYNƏLXALQ ŞAHMAT GÜNÜNƏ HƏSR OLUNMUŞ TURNİR KEÇİRİLMİŞDİR
Gəncə, 3 avqust (AZƏRTAC). Gəncə şahmat məktəbində Beynəlxalq Şahmat gününə həsr edilmiş ümumşəhər birinciliyi keçirilmişdir.
Dairəvi sistem üzrə keçirilən “A” turnirində 10 iştirakçı arasında Rihad Paşayev birinci yeri tutmuş, əmsallara görə isə Rzaqulu Quliyev və Yalçın Hüseynli ikinci, üçüncü yerləri bölüşdürmüşlər.
İsveçrə sistemi üzrə keçirilmiş “B” turnirində 40 idmançı mübarizə aparmışdır. Gərgin və maraqlı idman mübarizəsi şəraitində keçən yarışlarda Səftər Qasımov birinci nəticə göstərmişdir. Elvin İsayev və Rövşən Paşayev növbəti yerlərı tutmuşlar.
Qaliblərə məktəbin diplomları və xatirə hədiyyələri təqdim olunmuşdur.
Bölmənin digər xəbərləri
