Gənclər arasında dünya çempionatının dörddəbir finalında Azərbaycanın iki boksçusu mübarizə aparacaq
Bakı, 23 noyabr, AZƏRTAC
Sankt-Peterburqda gənclər arasında boks üzrə ХХ dünya çempionatının dörddəbir final mərhələsində Azərbaycanın iki idmançısı rinqə çıxacaq.
Azərbaycan Boks Federasiyasından AZƏRTAC-a bildiriblər ki, 60 kiloqram çəki dərəcəsində mübarizə aparan Sərxan Əliyev yarımfinala vəsiqə uğrunda Ukraynanı təmsil edən ermənistanlı boksçu Zoravor Petrosyan ilə qarşılaşacaq. Ən ağır çəkili idmançımız (+91 kq) Məhəmməd Abdullayev isə avstraliyalı Castis Hani ilə döyüşəcək.
Mundiala 70-dən çox ölkədən 17-19 yaşlı 400-dək boksçu qatılıb.
Dünya çempionatı noyabrın 26-dək davam edəcək.
Bölmənin digər xəbərləri
