Gənclər Azərbaycan xalqının başına gətirilən faciələri heç vaxt unutmamalıdırlar
Xaçmaz, 22 fevral (AZƏRTAC). Xaçmazda fevralın 21-dən başlayaraq Xocalı soyqırımı qurbanlarının xatirəsinin anılması ilə bağlı silsilə tədbirlər həyata keçirilir.
AZƏRTAC xəbər verir ki, fevralın 22-də Xaçmazdakı gənclər kitabxanasında Xocalı faciəsinin qurbanlarının xatirəsi anılmışdır.
Mərasim iştirakçıları əvvəlcə erməni vandallarının qətlə yetirdikləri həmvətənlərimizin xatirəsini bir dəqiqəlik sükutla yad etmişlər.
Məktəblilərin ifasında vətənpərvərlik mövzusunda şeirlər səsləndirilmişdir.
Kitabxana kollektivinin, oxucuların və məktəblilərin iştirak etdikləri tədbirdə 1992-ci ilin fevralında törədilmiş faciə barədə ətraflı məlumat verilmişdir.
Çıxış edənlər gəncləri vətənpərvər olmağa və Azərbaycan xalqının başına gətirilmiş bu əməlləri yaddan çıxarmamağa çağırmışlar.
Bölmənin digər xəbərləri
