Gənclərimizin üzərinə düşən vəzifələrdən biri bu şanlı tarixi yaşatmaqdır
Bakı, 20 yanvar, Flora Şükürova, AZƏRTAC
Azərbaycan tarixinin qan yaddaşı - 20 Yanvar faciəsindən artıq 26 il ötür. Xalqımızın yaddaşına milli şərəf günü kimi yazılmış bu tarixdə həlak olmuş soydaşlarımızın xatirəsi hər bir azərbaycanlının qəlbində yaşayır.
Bu fikirləri AZƏRTAC-a Şəhidlər xiyabanını ziyarət edənlər arasında olan Bakı Dövlət Universitetinin ikinci kurs tələbəsi Gülxəndan Cavadzadə bildirib.
G.Cavadzadə deyib ki, 1990-cı ilin yanvarında Azərbaycanın milli azadlıq mübarizəsini qanla boğmaq cəhdləri xalqımızın müstəqillik əzmini, azadlıq eşqini daha da alovlandırdı. Həmin gecədə silahlar önünə əliyalın çıxan qorxmaz soydaşlarımız Vətənin azadlığı naminə canlarından keçərək şəhid oldular. Gənclərimizin üzərinə düşən vəzifələrdən biri bu şanlı tarixi yaşatmaq və heç zaman unutmamaqdır.
Bölmənin digər xəbərləri
