GERHARD ŞRÖDER PARTİYA SƏDRLİYİNDƏN İSTEFA VERDİ
AZƏRTAC-ın xüsusi müxbiri xəbər verir ki, fevralın 6-da Berlində jurnalistlər qarşısında bu barədə bəyanatla çıxış edən federal kansler SDP-yə sədrliyi partiyanın Bundestaqdakı fraksiyasının başçısı Frans Münteferinqə həvalə etdiyini demişdir. F.Münteferinq SDP-nin martın sonuna təyin olunmuş növbədənkənar fövqəladə qurultayında partiyanın sədri seçilməlidir.
İstefa verməsinin səbəbini açıqlayan Şröder bildirmişdir ki, hazırda Almaniya müharibədən sonrakı tarixinin islahatlar prosesi dövrünü yaşayır. Mən partiyamızın siyasi xəttini etibarlı həmkarlarıma tapşırır, özüm isə hökumət başçısı vəzifəsində islahatları uğurla irəli aparmaq yolunda xidmətimi davam etdirəcəyəm.
Bölmənin digər xəbərləri
