GORANBOYDA AĞIR QƏTL HADİSƏSİ TÖRƏDİLMİŞDİR
Daxili İşlər Nazirliyinin mətbuat xidmətindən AZƏRTAC-a verilən məlumata görə, Goranboy rayonunun Ballıqaya kəndində ağır qətl hadisəsi törədilmişdir. Kənd sakini İman Nəbiyev münaqişə zəminində həmin kənddə məskunlaşmış Kəlbəcər rayon sakini Rasim Həsənovu bıçaqla yaralamış və hadisə yerindən qaçmışdır. Xəsarətlə xəstəxanaya yerləşdirilmiş Rasim Həsənov orada ölmüşdür.
Hadisəni törətmiş İman Nəbiyev Goranboy və Xocalı rayon polis şöbələri əməkdaşlarının birgə keçirdiyi əməliyyat-axtarış tədbirləri nəticəsində Ballıqaya kəndi ərazisində tutulmuşdur.
Faktla bağlı cinayət işi açılmışdır və araşdırma aparılır.
Bölmənin digər xəbərləri
