GÖRÜLƏN TƏDBİRLƏR ƏLAVƏ MƏNFƏƏT GƏTİRƏCƏKDİR
Dövlət Neft Şirkətindən (ARDNŞ) AZƏRTAC-a bildirmişlər ki, emal kompleksində neft emalının səmərəsini artırmaq üçün tədbirlər görülür. Heydər Əliyev adına Bakı neft emalı zavodunda mühərrik yanacağının keyfiyyətini yaxşılaşdırmaq üçün yaradılmış hidrogenlə təmizləmə və merikem qurğularında “Azərneftyağ” neft emalı zavodundan daxil olan ilkin emal mazutu əvəzinə ona ekvivalent miqdarda xam neftin emal edilməsi nəzərdə tutulmuşdur. Bu, bir tərəfdən, həmin mazutun neftlə birlikdə yenidən emalı zamanı yaranan əlavə material-enerji xərclərinin, digər tərəfdən isə ilkin emal qurğusunda istehsal olunmuş məqsədli məhsulların maya dəyərinin artmasının qarşısını alır. Bu tədbir Şirkətə ildə 10,3 milyon manat əlavə mənfəət gətirəcəkdir.
Bölmənin digər xəbərləri
