GÜLLƏ ATICILARIMIZ BEYNƏLXALQ TURNİRDƏ İŞTİRAK EDƏCƏKLƏR
AZƏRTAC xəbər verir ki, yanvarın 26-29-da Almaniyanın Münxen şəhərində güllə atıcılığı üzrə beynəlxalq turnir keçiriləcəkdir. Dünyanın ən tanınmış güllə atıcılarının mübarizə aparacağı bu yarışda respublikamızın idman şərəfini Afina Yay Olimpiya Oyunlarının bürünc mükafatçısı İradə Aşumova və Bakı birinciliyində yüksək nəticə göstərmiş Nigar Bağırova qoruyacaqlar.
Xatırladaq ki, İradə Aşumova bu yaxınlarda Lüksemburqda keçirilmiş beynəlxalq turnirdə iki qızıl, bir gümüş medal qazanmışdı. Bütün bu yarışlar fevralın 28-də Moskvada start götürəcək Avropa çempionatına hazırlıq məqsədi daşıyır.
Bölmənin digər xəbərləri
