“Günəşli” yatağındakı dərin dəniz özüllərdə yüksək təzyiqə davamlı yeni qazpaylayıcı batareyaların quraşdırılmasına başlanmışdır. Bununla yataqlardakı quyuların qazlift üsulu ilə istismara kecirilməsi zamanı qarşıya çıxan problemlər aradan qalxmışdır.

“Azneft” İstehsalat Birliyindən AZƏRTAC-ın müxbirinə daha bir yenilik barədə məlumat verərək bildirmişlər ki, respublikada ilk dəfə “Günəşli” yatağındakı qaz təhvili qovşaqında günəş batareyası ilə qidalanan yüksək dəqiqliyə malik müasir savğaclar quraşdırılmışdır. Hazırda təhvil verilən qazın miqdarı barədə məlumatlar yataqdan birbaşa birliyin kompüter şəbəkəsinə ötürülür. Bu da vaxt itirməmək, prosesləri ardıcıl surətdə izləmək və daim nəzarətdə saxlamaq baxımından müstəsna əhəmiyyətə malikdir.