Gürcüstan futbolunun əfsanəsi: Türkiyə millisi bizdən yaxşı oynadı və iki möhtəşəm qol vurdu
Bakı, 22 iyun, AZƏRTAC
“Gürcüstan millisini bundan sonra qrupda çox çətin iki oyun gözləyir”.
Bu sözləri AZƏRTAC-a açıqlamasında Gürcüstan millisinin sabiq hücumçusu Şota Arveladze ölkəsinin Avropa çempionatındakı çıxışını şərh edərkən deyib.
Əfsanəvi futbolçu yığmaya inandığını bildirib: “Bu gün Çexiya ilə vacib oyunumuz var. Qrupdakı son iki matçdan mütləq 4 xalla ayrılmalıyıq. Bu gün qalib gəlib son turda isə Portuqaliya ilə heç-heçə etsək, qrupun digəri oyunundakı nəticədən də asılı olaraq, pley-offa çıxa bilərik. Böyük ehtimalla bu gün bütün suallara aydınlıq gələcək”.
Veteran forvard Gürcüstan yığmasının ilk matçda Türkiyə millisinə 1:3 hesabı ilə məğlub olduğu oyundan da söz açıb: “Türklər bizdən daha yaxşı mübarizə apardılar. Qapımıza vurulan ilk 2 qol isə həqiqətən möhtəşəm alındı. Məhz bunun sayəsində bizi məğlub etdilər”.
Qeyd edək ki, bu gün keçiriləcək Gürcüstan–Çexiya oyunu Bakı vaxtı ilə saat 17:00-da start götürəcək.
Bölmənin digər xəbərləri
