Gürcüstan hökuməti ölkə ərazisindən hərbi məqsədlərlə yüklərin daşınmasını qadağan edib
Tbilisi, 29 sentyabr, AZƏRTAC
Gürcüstan hökuməti ölkə ərazisindən istənilən dövlət tərəfindən hərbi məqsədlərlə yüklərin tranziti üçün istifadəsini qadağan edib.
AZƏRTAC xəbər verir ki, bunu Gürcüstan parlamentinin Müdafiə və təhlükəsizlik məsələləri üzrə komitəsinin sədri İrakli Sesiaşvili bildirib.
O deyib ki, Gürcüstanın qonşuları bunu bilir və bu yanaşmaya anlayışla yanaşırlar.
Komitə sədrinin sözlərinə görə, Gürcüstan münaqişə ilə bağlı məlum səbəblərə görə bir növ bitərəf mövqe tutur.
“Çünki həm Azərbaycan, həm də Ermənistanla olduqca yaxşı qonşuluq münasibətlərimiz var. Biz hazırkı vəziyyəti təhlil edirik və bütün ssenarilərə hazırıq”, - deyə Sesiaşvili vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
