Gürcüstan parlamentində Müvəqqəti İstintaq Komissiyası yaradılıb
Tbilisi, 5 fevral, AZƏRTAC
Gürcüstan parlamentində “Mövcud rejimin və onun siyasi məmurlarının 2003-2012-ci illərdəki fəaliyyətini araşdırmaq üçün Gürcüstan parlamentinin Müvəqqəti İstintaq Komissiyası” yaradılıb.
AZƏRTAC xəbər verir ki, parlamentin 83 deputatı komissiyanın yaradılmasını dəstəkləyib.
Bildirilib ki, Müvəqqəti İstintaq Komissiyasının səlahiyyət müddəti üç ay müəyyən edilib. İstintaq komissiyası əsasnamədə nəzərdə tutulmuş 3 ay müddətində öz işini başa çatdırmazsa, onun müddəti eyni əsasnamələr nəzərə alınmaqla, lakin 6 aydan çox olmamaqla uzadılacaq.
Qeyd edək ki, Müvəqqəti İstintaq Komissiyası 2003-2012-ci illərdə hakimiyyətdə olmuş Mixeil Saakaşvili rejiminin cinayət və bütün qanunazidd əməllərini araşdıracaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
