GÜRCÜSTAN PREZİDENTİ NAZİRLƏRİN HƏRBİ HAZIRLIĞINI YOXLAMAQ NİYYƏTİNDƏDİR
Prezidentin sözlərinə görə, “Hər bir nazir əlinə avtomat almağa, forma geyməyə və on kilometr qaçmağa borcludur. Bacarmayanlar az da qaça bilərlər, başlıcası, nazirlərin hərbi hazırlıqda iştirak etmələridir”.
Vaxtilə M.Saakaşvili Ukraynada sərhəd qoşunlarında hərbi xidmət keçmişdir. Gürcüstanın daxili işlər naziri Giorgi Baramidze hərbi borcunu yerinə yetirdiyinə görə orduya çağırılmayacaqdır.
Nazirlər arasında vaxtilə etiraz əlaməti olaraq orduda xidmət etməyənlər vardır. Münaqişələrin tənzimlənməsi üzrə Gürcüstanın dövlət naziri Giorgi Xaindrava jurnalistlərlə söhbət zamanı demişdir: “Sovetlər dövründə mən prinsipial olaraq hərbi xidmətə getmədim. Həmişə düşünürdüm ki, vaxt gələcək, bizim öz ordumuz olacaqdır. İndi isə ən çox fiziki çətinliklər olan hissəyə gedib vətəndaş borcumu yerinə yetirəcəyəm”.
Bölmənin digər xəbərləri
