Gürcüstan və Səudiyyə Ərəbistanı Krallığı rəsmiləri sülh və təhlükəsizlik məsələlərini müzakirə ediblər
Tbilisi, 6 noyabr, AZƏRTAC
Gürcüstan parlamentinin Xarici əlaqələr komitəsinin sədri Nikoloz Samxaradze Səudiyyə Ərəbistanı Krallığı xarici işlər nazirinin siyasi məsələlər üzrə müavini Səud Əl-Sati ilə görüşüb.
Bu barədə AZƏRTAC-a Gürcüstan parlamentinin mətbuat xidmətindən məlumat verilib. Bildirilir ki, görüşdə iki ölkə arasında siyasi əlaqələr, hərtərəfli əməkdaşlığın perspektivləri müzakirə olunub.
Görüş zamanı dünyada və regionda baş verən proseslər, müasir çağırışlar diqqət mərkəzində olub.
Qara dəniz regionunda, Yaxın Şərqdə və Cənubi Qafqazda gedən proseslər ətrafında fikir mübadiləsi aparılıb. Qeyd olunub ki, sülhə nazil olmaq, təhlükəsizlik və sabitliyin əldə olunması üçün birgə səylərin gücləndirilməsi mühüm əhəmiyyət kəsb edir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
