Gürcüstanda keçirilən xüsusi əməliyyat zamanı 37 nəfər saxlanılıb
Tbilisi, 19 avqust, AZƏRTAC
Gürcüstanın Daxili İşlər Nazirliyi (DİN) paytaxt Tbilisidə və müxtəlif regionlarda terrorla mübarizə tədbirləri çərçivəsində xüsusi əməliyyat keçirib. Nəticədə qanunsuz odlu silah və döyüş sursatı əldəetmə, saxlama və daşıma ittihamı ilə 37 nəfər saxlanılıb.
AZƏRTAC xəbər verir ki, bu barədə nazirlik məlumat yayıb.
Bildirilib ki, məhkəmənin qərarı əsasında həyata keçirilmiş axtarışlar zamanı saxlanılan şəxslərin üzərində, yaşayış evlərində, yardımçı tikililərdə və nəqliyyat vasitələrində onlarla müxtəlif növ odlu silah və döyüş sursatı aşkar edilərək maddi sübut kimi götürülüb.
Faktla bağlı istintaq aparılır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
