Gürcüstanda korrupsiyaya qarşı mübarizə tədbirləri nəticəsində 30 nəfəri həbs olunub
Tbilisi, 9 mart, AZƏRTAC
AZƏRTAC xəbər verir ki, bu barədə Gürcüstan DTX məlumat yayıb.
Bildirilib ki, Dövlət Təhlükəsizlik Xidmətinin Korrupsiyaya Qarşı Mübarizə Agentliyinin əməkdaşları tərəfindən Gürcüstanın müxtəlif bölgələrində həyata keçirilən genişmiqyaslı antikorrupsiya tədbirləri nəticəsində 12 müxtəlif cinayət işi üzrə aşkar edilmiş korrupsiya cinayətlərinə görə 30 nəfər həbs olunaraq məsuliyyətə cəlb edilib. Həbs olunan şəxslər rüşvət almaq, dələduzluq, vəzifəsindən sui istifadə, şantaj, vəzifə saxtakarlığı və s. maddələr üzrə ittiham olunurlar.
"DTX-nin Korrupsiyaya Qarşı Mübarizə Agentliyi Gürcüstanın korrupsiyanın aşağı səviyyəsinə malik dünyanın aparıcı ölkələrindən biri olmasına nail olana qədər bütün növ korrupsiya cinayətlərinin aşkarlanması və qarşısının alınması üzərində işləməyə davam edəcək", - deyə məlumatda qeyd olunub.
Xətayi Əzizov
Bölmənin digər xəbərləri
