Gürcüstanda miqrasiya siyasəti sərtləşdirilir
Tbilisi, 14 may, AZƏRTAC
Gürcüstan parlamenti miqrasiya siyasətinin sərtləşdirilməsinə, o cümlədən cinayət və ya cinayət törədən əcnəbilər üçün cəza kimi deportasiyanın tətbiqinə dair qanunlar paketini birinci oxunuşda təsdiqləyib.
AZƏRTAC xəbər verir ki, qəbul edilmiş dəyişikliklərə əsasən, Gürcüstanda qalma qaydaları və viza rejimi pozulduğu halda, xarici vətəndaşların Gürcüstana səfəri qadağan ediləcək. Bu pozuntuya görə cərimələr təxminən 10 dəfə artacaq.
Əcnəbinin, həmçinin xırda xuliqanlıq, polisin əmrinə tabe olmamaq və ya nümayişlər haqqında qanunun pozulması kimi cinayətlərinə görə Gürcüstandan çıxarıla və ölkəyə girişinə qadağa qoyula bilər.
Gürcüstan sərhədini qanunsuz keçməkdə, miqrantları qanunsuz daşımaqda və ya qeyri-qanuni miqrantların ölkədə qalmasına şərait yaratmaqda ittiham olunan əcnəbilərə həbs cəzasına alternativ olaraq Gürcüstandan çıxarılma və müəyyən müddətə ölkəyə girişinə qadağa tətbiq edilə bilər.
Məhkəmə işin hallarını və cinayət törətmiş şəxsin şəxsiyyətini nəzərə alaraq, onun Gürcüstanda qalmasının məqsədəuyğun olmadığını müəyyənləşdirə, cəza növü kimi əcnəbinin Gürcüstandan çıxarılması və müəyyən müddət ərzində Gürcüstana girişinə qadağa qoyulması da gündəmdədir.
Bölmənin digər xəbərləri
