GÜRCÜSTANDA QUŞ QRİPİNİN YAYILMASININ QARŞISINI ALMAQ ÜÇÜN TƏDBİR GÖRÜLÜR

22.10.2005 [13:06]
Çap et
A⁺ A^-

AZƏRTAC-ın xüsusi müxbiri xəbər verir ki, Gürcüstan Kənd Təsərrüfatı və Ərzaq Nazirliyi Zoobaytarlıq Departamentinin rəhbəri Cambul Mağlakelidze ölkənin ərazisində quş qripinin yayılması ilə bağlı təhlükənin olmadığını və həmin xəstəliyə qarşı ciddi hazırlıq işləri görüldüyünü bildirmişdir. Departament rəhbərinin sözlərinə görə, ölkədə indiyədək quş qripi xəstəliyi ilə bağlı heç bir fakt qeydə alınmamışdır, toyuq əti və yumurta əhalinin səhhəti üçün təhlükə yaratmır.

C.Mağlakelidze demişdir: “Bütün gömrük-buraxılış məntəqələrində xaricdən toyuq əti və yumurta gətirilməsinə nəzarət gücləndirilmişdir, ciddi dezinfeksiya işləri görülür. Tezliklə ABŞ və Almaniyada hazırlanmış nadir dezinfeksiya texnikası alınıb ölkəmizə gətiriləcəkdir. Həmin texnikadan yalnız quş qripi əleyhinə deyil, digər xəstəliklərə qarşı da istifadə olunur. Bununla yanaşı, yaxın günlərdə Gürcüstana respiratorlar və xüsusi paltar da gətiriləcəkdir. Onlar virusun yayılmasının qarşısını almaqda mühüm rol oynayır”.

GÜRCÜSTANDA QUŞ QRİPİNİN YAYILMASININ QARŞISINI ALMAQ ÜÇÜN TƏDBİR GÖRÜLÜR

MÜƏLLİFLƏ ƏLAQƏ

Bölmənin digər xəbərləri