Gürcüstanda sovet dövründə müsəlmanlardan alınan məscidlərdən 234-ü artıq öz sahiblərinə qaytarılıb
Tbilisi, 2 oktyabr, AZƏRTAC
Gürcüstanda sovet dövründə müsəlmanların əllərindən alınan məscidlərdən 234-ü artıq həqiqi sahiblərinə qaytarılıb. Araşdırmalar davam edir və qalan məscidlərin də ölkənin müsəlman icmasına qaytarılması istiqamətində işlər görülür.
AZƏRTAC xəbər verir ki, bu sözləri Gürcüstanın Dini Məsələlər üzrə Dövlət Agentliyinin sədri Zaza Vaşakmadze söyləyib.
O qeyd edib ki, Gürcüstan əhalisinin böyük əksəriyyətinin pravoslav xristianları olmasına baxmayaraq, burada böyük müsəlman icması var. Ölkədə olan məscidlərdə çeçenlərin və azərbaycanlıların birgə ibadət etmələri hər kəs üçün bir nümunədir.
“İnteqrasiya üçün ən vacib məsələ dövlət dilinin öyrənilməsidir. Bu istiqamətdə də mühüm işlər görülür. Gürcüstan hökuməti ölkədə tolerantlığın daha da gücləndirilməsi üçün zəruri addımlar atır”, - deyə Zaza Vaşakmadze vurğulayıb.
AZƏRTAC-ın xüsusi müxbiri
Tbilisi
Bölmənin digər xəbərləri
