Gürcüstanda yaşayan azərbaycanlıların bu ölkənin mədəni həyatındakı rolu müzakirə edilib
Tbilisi, 6 iyul, AZƏRTAC
Azərbaycanın mədəniyyət naziri Anar Kərimov iyulun 6-da Tbilisi şəhərinin meri Kaxa Kaladze ilə görüşüb.
AZƏRTAC xəbər verir ki, görüşdə Azərbaycanın və Gürcüstanın paytaxt şəhərləri və bölgələri arasında əməkdaşlıq əlaqələri, Gürcüstanda yaşayan azərbaycanlıların bu ölkənin ictimai-siyasi, mədəni həyatındakı rolu və digər məsələlər diqqət mərkəzində olub.
Kaxa Kaladze Azərbaycanın mədəniyyət nazirinin rəhbərliyi ilə nümayəndə heyətinin Gürcüstana səfərinin əlaqələrimizin inkişafına təkan verəcəyinə ümidvar olduğunu vurğulayıb.
Nazir Anar Kərimov ölkələrimiz arasındakı əlaqələrin inkişafından danışıb, paytaxt şəhərləri və bölgələr arasında əməkdaşlığın genişlənməsinin xalqlarımızın rifah halının yüksəlməsinə və ümumi sosial inkişafa xidmət edəcəyini bildirib.
Görüşdə Azərbaycanın Gürcüstandakı səfiri Faiq Quliyev, SOCAR-ın Gürcüstan nümayəndəliyinin rəhbəri Mahir Məmmədov və digər rəsmi şəxslər iştirak ediblər.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
